الكيك الإسفنجي بالصور

في البداية ....... طبعا كلكم عارفين أن الكيك الإسفنجي تلزمه الدقة المتناهية في المقادير و العمل وكذلك السرعة إلا أن الناتج مضمووووووون نبدأ معا بسم الله ......

المقادير: صفار 6 بيضات كبيرة ،( لوحسيت إن الصفار صغير شوية ممكن تضيفي صفار واحد كمان زيادة ).مش عارفة ده مشكلتنا في مصر بس ولا الكل كده حجم الصفار بيكون قليل بالنسبة للبياض 3 باكو فانيليا أو ملعقة صغيرة ونصف . 1و 1∕2 كوب سكر بودرة ، 1 ∕ 3 كوب ماء بارد. ملعقة صغيرة بشر ليمون . 1 و 1∕2 كوب دقيق ورشة صغيرة ملح . 1 ملعقة صغيرة ممسوحة بيكينج باودر. 3 ∕ 4 كوب بياض بيض (لا تستغربون ) ، ملعقة صغيرة عصير ليمون .

ده صورة الصفار عملت 7 لأن كان في حبات صفارها صغير

وده البياض 6 بياضات

قبل أن أبدأ بالطريقة أحب أن أخبركم أن هذه الطريقة أصعب قليلا من التي تعتمدها أغلب الأخوات في المنتدى ، وتلزمها مهارة ودقة وتركييييييز لكن الناتج يستاااااااااهل PERFECT100% واللي هتجربها وتنجح معاها إن شاء الله هتدعيلي من قلبها
لن أطيل عليكن........



الطريقة:
1_يخفق صفار البيض حتى يغلظ ثم يضاف إليه السكر تدريجيا ملعغة ملعقة مع استمرار الخفق ، يضاف الماء تدريجيا وبشر الليمون والفانيليا ويستمر في الخفق حتى يفتح اللون ويغلظ القوام .

· ملحوظة : عند إضافة السكر على الصفارقبل إضافة الماء يغلظ القوام جدا 

وتصعب إضافة الملاعق القليلة المتبقية من مقدار السكر ، وعند ذلك لا مانع من إضافتها بالتناوب مع ملعقة ملعقة من مقدار الماء ، ولكن لا نضيف الماء من البداية ، الماء يضاف بعد أن يغلظ خليط السكر والصفار جدا، ثم نستمر في الخفق بعد إضافة مقدار الماء حتى يغلظ القوام مرة أخرى ويفتح لونه جدا يصبح أصفر فااااااااااتح . 

· ملحوظة : قوام مزيج الصفار والسكر والماء يكون كأنه قوام عجينة كيك إسفنجية معدة للخبز

الحجم بيكون يمكن 10 أضعاف الحجم اللي كان عليه الصفار

أنا عن نفسي بضيف كوب سكر للصفار ونص مع البياض فيصبح عندي مزيج الصفار مع السكر تقيل لكن يمكن خفقه بيكون كأنك بتخفقي زبدة مع سكر تقيل شوية وبمجرد اضافة الماء بالتدريج بيكون تماااااام

· ملحوظة : بعد الإنتهاء من الخليط السابق قومي فورا بغسل المضرب وتجفيفه جيدا جيدا ، وإذا كنت تستخدمين الكيتشن ماشين أو الفوود بروسسيسور قومي بإفراغ المزيج في سلطانية عميقة ثم قومي بغسل وعاء الآلة وتجفيفه جيدا
المهم أن يكون عندك وعاء ومضرب نظبفان تماما وجافان تماما لتقومي بضرب البياض فيهما فيما بعد
والمشكلة في اللي معندهاش غير آلة واحدة للخفق ستضطر لاستخدامها لضرب كلا من الصفار والبياض
وطبعا كلكم شطار وحلوين وعارفين أنه لا يمكن خفق البياض مكان الصفار ، ولذلك عليها أن تقوم بإفراغها من مزيج الصفار وغسلها وتجففيفها جيدا جيدا وذلك حتى قبل البدء في الخطوة رقم 2 حتى تسمح للآلة أن تجف جيدا لأن أي نقطة ماء أو حتى رطوبة ستخرب البياض ، وطبعا لابد أن تتم هذه العملية بمنتهى السرعة بقدر الإمكان
أنا الحمد لله عندي كيتشن ماشين ومستعيرة مضرب ماما إستعارة غير مستردة فبعمل ايه بضرب الصفار والماء في اناء خارجي بالمضرب العادي واثناء إضافة الدقيق على الصفار بشغل الكيتشن على البياض عشان يكونوا الإتنين جاهزين في نفس الوقت
· طيب واحدة شاطرة وأمورة تقوللي أضرب البياض الأول وأفرغه في سلطانية ثم أضرب الصفار مكانه ؟ أقوللها أنا لا أحبذ ذلك لأن عملية ضرب الصفار بتاخد وقت ولو تركت البياض فترة بعد خفقه هيخرب منك ولا يمكن أن تسترجعي القوام المطلوب بإعادة الخفق مرة أخرى ، أضمن طريقة هي خفق البياض في النهاية وإضافته فور خفقه خللو بالكو
وعموما اللي عندها مضربين لن يكون لديها أي مشكلة ، ويااااارب ميكونش فيه أي مشاكللللللل .

2_ينخل الدقيق والملح والبيكينج باودر مرتين ، ثم يضاف ملعقة ملعقة للخليط مع التقليب بخفة من تحت لفوق باستخدام ملعقة خشبية .أو بلاستيكية ينفع


· ملحوظة : نفس الحكاية خليط الصفار هيتقل شوية ،أثناء إضافة الدقيق ففي هذه الحالة ممكن نأجل شوية دقيق نضيفهم مع البياض في النهاية ، بس مش شوية كثير يعني بيكونوا كام ملعقة أقل من نصف الكوب مش أكثر من ذلك .

ده مجموعة من الصور المتتالية أثناء إضافة الدقيق للصفار لاحظو القوام

الصورة ده الوحيدة اللي جوزي صورهالي لاحظو إزاي فاتحة وحلوة وده اللون الطبيعي لأني لما بصور أنا وانا بشتغل بعمل ضل على الصورة فبتطلع غامقة ده طبعا بعد ماوعدته إنكم هتدعولو فياريت بقى توفوا بالوعد لو سمحتم ودعوة حلوة كده ليه

3_يخفق بياض البيض حتى تتكون رغوة كبيرة ،ثم يضاف عصير الليمون ونص كوب السكر الباقي ده لو ضفتى كوب بس مع الصفار مع استمرار الخفق حتى يجمد.
 

· ملحوظة : لا يضاف عصير الليمون في البداية ، لأن إضافته قبل تكوين الرغوة تمنع تكونها ، لكن إضافته بعد تكونها تعمل على تثبيتها ، كما أنه يفتح اللون جدا ويعطي لكيكتك رائحة مميزة سوف تصبح سرا من أسرار مطبخك وسيسألك عنها الجميع !!!!!!!!!!!(لكن لا تضيفي أكثر من ملعقة صغيرة )


4_يقلب بياض البيض المخفوق بخفة بالملعقة الخشبية مع الخليط السابق
· ملحوظة : لا تضيفي البياض كله دفعة واحة ، من الأفضل أن تضيفيه على مرتين أو ثلاثة بالتبادل مع الكمية القليلة السابقة المتبقية من الدقيق

وده صور مختلفة أثناء إضافة البياض والدقيق المتبقي مرتبة 

بس مهم جدا اخر إضافة تكون كمية كبيرة من البياض حاولي تخلصي باقي الدقيق على مرة او مرتين

وده الشكل النهائي اللي بيكون عليه قوام عجين الكيك

5_يصب الخليط في صينية مقاس 28 أو 26 مرتفعة الجوانب ومبطنة بالدقيق انا بدهن الجوانب سمن وارشها بالدقيق والقعر ورقة زبدة وده أسهل عند القلب بس مش دايما بعمل كده بس لو الورق موجود
 

لاحظو قوام الكيك في الصينية بيكون متماسك وسطحه غير مستوي 

بنخبط الصينية بالراحة حتى يتساوي السطح بس لاتكتروا يدوب كده كفاية 

_يخبز في فرن درجة حرارته 204م أو 400ف في الرف العلوي (الربع الأعلى وليس في المنتصف لمدة حوالي 30 دقيقة أو حتى تمام النضج .

· ملحوظة هامة : لا بد من تسخين الفرن وضبطه على درجة الحرارة الصحيحة قبل البدء في العمل .

· ملحوظة : لا تفتحي باب الفرن أبدا قبل 30 دقيقة 

· ملحوظة :لا تطيلي فترة الخبز أكثر من اللازم ،بحد أقصى45 دقيقة حتى لاتنكمش أكثر من اللازم وتجف.

· آآآآآآآخر ملحوظة : للحصول عل كيك اسفنجي بالشوكولاتة يضاف للمقادير السابقة2 ملعقة كاكاو كبيرة تخلط مع الدقيق وتنخل معه ، وينقص مقدار الدقيق ملعقة واحدة كبيرة .

وده مجموعة صور للكيك بعد ماستوى
في الصينية وخارج الصينية مقلوب ومعدول كل حاجة
          

ملحوظة مهمة
المقادير الأساسية للكيكة ده 6 بيضات يعنى 6 صفار و 6 بياض بس انا بستخدم 7 حالة خاصة لأن البيض صفاره صغير

في اضافة حلوة بتنضاف للكيكة تديها طعم وريحة مميزة اكتر مع انها والله مش محتاجة بس زيادة الخير خيرين وهي إضلفة ملعقة كبيرة زبدة سايحة مع خليط السكر والصفار قبل اضافة الماء

شوفو بالنسبة للي بيستخدم نفس المقادير من غير فصل البيض انا جربت الإتنين وحقيقي في فرق في قوام الكيك ولونه وريحته كمان مفيش تعب بيروح ع الفاضي

كمان انا إستخدمت الطريقة التقليدية للكيك الإسفنجي وهي 6 بيضات مع كوب سكر وكوب دقيق من غير ماء خالص ولا بودر كانت نتيجتها ممتازة بس كان في شوية عيوب واجهتنى
وهي
1-خليط الصفار بيكون صعب اضافة الدقيق له طبعا وجود الماء بيسهل الموضوع كتير
2-الكيكة كانت بتبقى ممتازة في الفرن بس بعد ماتخرج وتبرد بتهبط من النص شوية مش قوي بس اعتقد تعديل درجة الحرارة من العادي اللي بنسوي عليه الكيك وهو 175 الي 204 وتغيير الرف هو اللي بيحل المشكلة ده
3-كمان حجم الكيك بالقادير التقليدية كان يدوب صينية مقاس 22 بيكون 3 طبقات لكن بالطريقة ده عملت صينية 26 وبرضو 3 طبقات وطبقات تخينة كمان مش اوي يعنى بس كويسة

منقول