الباذنجان المخلل على الطريقه المصريه بالصور

 

السلام عليكم ورحمة الله وبركاته
كيف حالكم يا حلوين يارب تكونو كلكم بخير كل سنة
انا النهاردة حبيت انزل اهم المقبلات المصرية وهو الباذنجان المخلل  اتمني الطريقة دي تعجبكم لانها لذيذة ومحبشة زي ما بيقولو ولاد البلد

بسم الله الرحمن الرحيم
اول حاجة طبعا نغسل الباذنجان كويس ونقطع العرف بتاعه وبعدين نقليه 

 نضغط عليه بالشوكه لما نلاقيه طري نعرف انه استوي ننشله من الزيت ونحضر الخلطة

 قرنين فلفل حامي و2 فلفل رومي ويفضل لو الوان و ثوم زي ما في الصورة وشوية ملح و نعناع جاف وشوية كمون ونصف فنجان خل معلش انا بعمل المقادير بالبركة حسب التعود علشان كدةحطيت صورتهم علشان تقدرو حجم الكية

 نفرم كله في الكبة مع بعض ونحط عليهم الخل ونبدا نفتح الباذنجان ونحشي باخلطة وفي الاخر نعصر عليه ليمون

وشوفي فلفل الالوان عمل شغل ازاي
وتاكلي احلي فاتح شهية وبيبقي ادمان علي سفرة رمضان يارب يعجبكم وسلام عليكم

منقول 

Read full

الكبده الاسكندرانى

 

 وصفة النهاردة
كبدة اسكندراني
ولكن متبهرة ومتسبكه وطعمها يفتح النفس
وكمان عملت معاها مكرونه بطعم جديد ومميز
نبدأ بالكبدة
المقادير
كيلو كبدة
بصله كبيرة مقطعه مكعبات صغيرة
حبه فلفل اخضر مقطع مكعبات
واللي بيحب الحار يحط فلفل حار
3 حبه طماطم مقطعه
3 فص ثوم مفروم
معلقه كبيرة دبس الرمان بيدي طعم ولون للصوص حلو جداً
مكعب ماجي
ملح + فلفل اسود + كمون + كسبرة ناشفه + رشه من البهارات السبعة
الطريقه
نقطع الكبدة شرايح ونغسلها ونحطها في مصفاه حتي تتخلص من كل الماء الزائد

 

 ودي الخضروات

 

 نيجي بقي للسر اللي يخلي الكبدة مستويه
وفي نفس الوقت طريه ولذيذة
في إناء ع النار نضع شوية زيت ولو حبيتي تضيفي للزيت قطعه صغيرة سمن بتكون احلي
واخليه لما يسخن الزيت وأضيف له الكبدة وأخلي النار عاليه
عشان اعملها صدمه اخلي المسام اللي برة تتقفل
وفي نفس الوقت محتفظه بالعصارة اللي في داخلها
وأول ما لونها يتغير أضيف البصل واحرك عشان عايزة كل الخضروات اللي ها اضيفها تتحمص مع الكبدة
وبعد البصل أضيف الثوم ونحرك
ثم البهارات ونحرك عايزة الكبدة تأخذ طعم البهارات
ثم الفلفل الاخضر ونقلب
ثم الطماطم ومعلقة دبس رمان
والصراحه أنا حطيت شطه مجروشه مش كتيير
ولكن الكبدة لما تكون فيها نسبه حراق بتبقي الذ وأطعم
وخلي بالك اوعي تضيفي ولا نقطة مايه
هي هاتنزل العصارة اللي فيها
وهاتستوي مع بعض
وها يبقي عندك صوص رائع جداً جداً
والصور توضح
هنا لما عملت لها صدمه واتغير لونها

 

 وهنا كل المكونات مع بعض نتركها تتسبك وتستوي مع بعض وكل حاجه تأخذ من بعضها ف الطعم

 

 استوت وطعمها وريحتها خياااال
ومفيش لها ريحة زفارة ودبس الرمان خلي الصوص لذيذ

 

 وقدمت معاه خبز عملته في البيت خبز بالدقيق البر
والصراحه طري وأحسن من المخابز
ان شاالله انزله في موضوع
أنا بعمله واحتفظ بيه ف الفريزر لحين الاستخدام

وقدمت الكبدة مع الخبز
والمكرونه للي يحب

 

وهنا قدمتها مع المكرونه

 

 وهنا عملتها ساندويتش وقليت بطاطس

 

لذيذ
يم يم

منقول

Read full

سمك ف الفرن لفرووحه الامارات

 

Read full

طريقة عمل الجمبري وأرز الصيادية

 المقادير:
جمبري حسب عدد افراد الاسرة
بصل+ ثوم
فلفل اخضر
2 حبة جزر
3 حبة طماطم
ليمون
ملح+ فلفل اسود+ كمون
الطريقة:
نغسل الجمبري كويس جدا ونظفة من كيس الرمل
ثم يغسل بالدقيق والليمون ونضعه ف مصفاة
وهذا شكله

ثم نشوح البصل في شوية زيت

 

 

ثم نضيف الجزر والفلفل الاخضر

  

+

 ثم الطماطم

 ثم نضيف البهارات والملح ونتركها تتسبك شوية
ثم نضيف الجمبري ونعصر الليمون وحوالي ربع كوب ماء مش نحط كتير عشان الجمبري بيطلع ماؤه

 ثم نتركه ع النار حتي يتم الاستواء
وفي هذة الاثناء نجهز الرز
نقطع بصلة كبيرة ونحمرها ف الزيت لغاية مالونها يحمر ويبقي غامق
وده شكله

 ثم نضيف الماء لكل كوب رز مصري كوب ماء وممكن يزيد شوية علي حسب نوع الرز
اما لو رز حبة طويلة( بسمتي) نزود الماية شوية
المهم بعد ما نضيف الماء نضيف كمان الملح والكمون وشوية كركم وقليل من الفلفل الاسود ولو حابة تحطي مكعب ماجي مفيش مانع ونتركه حتي يغلي

 

 
ثم نضيف الرز المغسول ونتركه ع نار عالية حتي ينشف من الماء
ثم نهدي النار خالص حتي ينضج
ودا شكله

 ثم يقدم مع الجمبري او اي نوع سمك اخر

 

 

 

 

 

منقول

Read full