الكيكة الاسنفجية
الكوب المستخدم هو كوباية القياس أو أي كوب بشرط تستخدمي في قياس الكل
المقادير
8 بيضات مفصول الصفار عن البياض (يفضل أن يكون البيض بحرارة المطبخ مش بارد)
2 كوب دقيق حلويات فاخر منخول ناقص 2 معلقة (ونستبدل ال2 معلقة بالنشا)
2 كوب سكر (يفضل الجاهز لانو فائق النعومة ومهما طحنا سكر في البيت برضو مش حيبقى ناعم بدرجة الجاهز)
زووم للمقادير الي في المعالق هنا عندنا :
1 معلقة كبيرة باكنج باودر
1/2 معلقة طعام كريم اوف تارتا (استني حوريكي الصوره)
1 ظرف فانيليا
1/3 كوب ماء عادي
ده شكل الكريم اوف تارتا . الهدف منو المحافظة على بياض البيض متماسك ومحتفظ بالهواء الي فيه وبيضا البيض هو أساس الكيكة الاسنفجية .
الطريقة بإسم الله نبدأ
نحط بياض البيض في طبق ونحط عليه الكريم اوف تارتار ونبدأ نخفق
هنا في البداية مجرد فقاقيع بياض البيض
واهنا بعد حوالي 5 دقايق لما بدأ يشد بس لسه رخو
هنا لما اشتد جامد ازاي واحتاج حوالي ال 7-10 دقائق علشان نوصل للمرحلة دي .
نضيف نص مقدار السكر البودرة (1كوب) على بياض البيض ونخفق تاني .
الكوب المستخدم هو كوباية القياس أو أي كوب بشرط تستخدمي في قياس الكل
المقادير
8 بيضات مفصول الصفار عن البياض (يفضل أن يكون البيض بحرارة المطبخ مش بارد)
2 كوب دقيق حلويات فاخر منخول ناقص 2 معلقة (ونستبدل ال2 معلقة بالنشا)
2 كوب سكر (يفضل الجاهز لانو فائق النعومة ومهما طحنا سكر في البيت برضو مش حيبقى ناعم بدرجة الجاهز)
زووم للمقادير الي في المعالق هنا عندنا :
1 معلقة كبيرة باكنج باودر
1/2 معلقة طعام كريم اوف تارتا (استني حوريكي الصوره)
1 ظرف فانيليا
1/3 كوب ماء عادي
ده شكل الكريم اوف تارتا . الهدف منو المحافظة على بياض البيض متماسك ومحتفظ بالهواء الي فيه وبيضا البيض هو أساس الكيكة الاسنفجية .
الطريقة بإسم الله نبدأ
نحط بياض البيض في طبق ونحط عليه الكريم اوف تارتار ونبدأ نخفق
هنا في البداية مجرد فقاقيع بياض البيض
واهنا بعد حوالي 5 دقايق لما بدأ يشد بس لسه رخو
هنا لما اشتد جامد ازاي واحتاج حوالي ال 7-10 دقائق علشان نوصل للمرحلة دي .
نضيف نص مقدار السكر البودرة (1كوب) على بياض البيض ونخفق تاني .
وده الشكل النهائي لبياض البيض بعد ما اشتد وبقى لونو فاتح اكتر نخليه على جنب .
نحط صفار البيض في طبق غويط ونحط عليه باقي السكر البودرة (1كوب) ونخفق شوية
ونضيف الفاينليا ونخفق كويس جدا
وده شكل الخليط النهائي . بقى أكثف ولونو بقى فاتح
نحط الدقيق مرة واحدة والماء على دفعتين ثلاثة ونخفق بالخفاقة الكهرباء . يا جماعة هنا مش مهم نحط الدقيق على مهل والكلام ده بس اهم حاجة خليط الصفار والمية والدقيق يبقى مندمج كويس.
وده شكلو ملاحظين .
نبدأ زي ما كلنا بنعرف بدأ نحط بياض البيض بالتدريب على خليط الصفار ونقلب من فوق لتحت بالراحة .
هنا شكل فكرة التقلبي لازم تبقى بالراحة وبشكل دائري وتجيبي من قعر الطبق علشا البياض يندمج كويس مع خليط الصفار .
لاحظي الصور دول برضو للتأكيد
هنا خلاص اتهينا . بصي الخليط لسه محتفظ بقوامو ما هبطش , والصفار مندمج مع البيضاء كويس جدا وعامل زي الحرير هو ده المطلوب . وعلشان توصلي للقوام ده محتاج تعميلها على رواق وتاخذي وقتك وما تستعجليش علشان البياض ما يهبطش . يعني سربي العيال . واعمليها وجوزك مش موجود علشان موضوع التوتر ده . وياريت بقى تعملي للكيكة جو هادي ههههه.
هنا عندي صينية ألمونيوم دهنتها زيت على خفيف وبطتنها بورق الزبدة وده شكل قوام الكيكة الاسنفجية .
وده شكلها ممكن نهزها على خفيف . مش قوي
طريقة خبز الكيك الاسفنجي
1- نولع الفرن 10 دقايق على حرارة عالية .
2 ندخل الكيكة بالراحة ونسبيها على الحرارة العالية لمدة 10-15 دقيقة
3- وعد مرور10-15 دقيقة نوطي النار على حرارة هادية ونسيبها 20 دقيقة
4- بعد مرور ال20 دقيقة نفتح الفرن ونشوفها لو لسة الوسط نيئ نسبها كمان 10 دقايق .
وده شكلها بعد ما خرجت من الفرن على طول . حاسبي تتلسعي الصوره لسه سخنة هههههه
وهنا صور الكيكة بعد ما بردت شوي
طبعاً الكيكة دي عملتها كدرس تعليمي فحقطع براحتي بقى وأشرح على مزاجي . بصو هنا قطعتها بإيدي مش بالسكينة لاحظوا منسمة وهشه
ورائعة جدا .
وهنا قطعتها بالسكينة .
ودول حتتين صورتهم على السريع علشان تشوفو شكل ولون وقوام الكيك الاسفنجي بوضوح
وهنا كنت عاملة كيكتين مدورين حجم 9" وسبتهم في التلاجة لتاني يوم علشان أعمل تورتتين . بصو سطح الكيكة ما هبطش ازاي ولسهم محافظة على شكلها .
وهنا كنت عملة فورما مدورة مقاس 9" . طبعا عملتها ترته . بس يا بنات الكيك الاسفنجي لازم يبات علشان يدينا نتيجة حلوة في التطيع بصو بتفرول ولسه هشة هنا قطعت الكيكة دي بالنص وبقت شريحتين .
وبعد كده قطعت شريحة اتنين زي كده
وبعد كده قطعتها بكل سهولة ل3 شرايح ^_^
مش شوفنا طريقة الكيكة الاسنفجية بالتفصيل الممل ندخل بقى على تطبيقات الشيف بإستخدام الكيكة الاسفنجية . بإسم الله نبدأ :
هنا كنت عاملة تورتة بلاك فورست بس بكريمة شوكولاتة زينت الجوانب بشوكلاتة فارمسيل وطبعاً حبة الكريز عاملة شغل جامد اوي كالعاده . وده شكلها وهي في العلبة . لازم يا فتوكات لما نعمل تورته أو جاتو نحتفظ بيها في الثلاجة علشان تفضل حلوة وتمنع ريحت التلاجة تيجي على التورتة . وممكن تلاقو العلب دي في كل مكان دلوقتي.
وهنا صروة من الجنب
ودي صورة أقرب لشكل التورته.
وهنا في مناسبة عائلة برضو تورته البلاك فورست بس بكريما بيضا وبروضو الجوانب متزينة بشوكلاتة الفارمسيلا وكنت مسيحة شوكولاتة قطعتها على شكل قلب وحطيتها على حرف الكيكة زي ما شيفين وغمست الفراولة في الشوكلاتة وحطيتها في نص اليكيكة .
ودي كنت عمله لصاحبتي علشان خطيبها كان جايلها . وتخيلو بعد ما حطيتها في العلبة وبقت جاهزة . بتقولي (لا قطعيها علشان بخاف أعكها وأبوضها وعلشان أضمن اني شكلها يبقى رائع ) شوفتو البت حتى تقطيع ما بتعرفش تقطع. بس تصدقو جت منها ^_^ علشان نشوف شكل التورتة من جو وبروض اخد كم صوره كده.
ده شكلها أول ما قطعتها .
وهنا صورة أقرب ايه رأيكو في الجمال
لا بقى عايزن صوره قريبة جدا جدا . ها مش جميلة ولا بيتهيألي .
وهنا يا جماعة كنت عاملة جاتوة على السريع . دي كانت بكيكة شوكلاتة اسفنجية وحشيتها كريما وزينت الوش بالتوفي بس الطعم يا بنات ايه خيال .
وهنا بروض جاتوة بس بكيكة شوكولاتة بيضاء (عملت قالب كيكة مستطيل وقطعتو من الوسط وحشيتو كريما) وبعد كده قطعتو ولفيتو بورق بلاستك ولزق عليه شعاري
هنا في العيد الي فات رحنا عند ناس نزورهم ونعيد عليهم كنت عاملة تورته بس بالفواكة (الشهادة لله بحب المكسرات والشوكلاتة أكتر من الفواكة) بس الناس الي رحنالهم طلبت معاهم تورته بالفوكة . وكانت دي النتيجة أسيبكم مع الصور ويارب تعجيكم . ده شكلها بعد ما خلصت تزويق
وهنا صورة أقرب
م ن
