محشى الكرنب خطوه بخطوه

المكونات 

كرنبة صغيرة - خضرة محشي كسبرة وشبت وبقدونس

1/2 ك طماطم مطحونة-2 معلقة معجون طماطم+بصلة كبيرة قطع -4 فص ثوم 

كبير- معلقة بهارات - ربع معلقة فلفل +معلقة صغيرة ملح - شرايح فلفل رومي 

لعمل الصلصة 

نطحن الطماطم مع معجون الطماطم مع نصف فلفلة 

رومي احمر بتخللي اللون اجمل وكمان الطعم مسكر

نضع 2 معلقة سمن +2 معلقة زيت ونضيف البصل 

ونشوحه حتي يصبح اصفر او شفاف

ثم نضيف الطماطم والتوابل والملح

في حالة ان الطماطم فيها مذاذة او حموضة نزود نص معلقة صغيرة سكر

ونترك الخليط يتسبك علي نار هادية حوالي ربع ساعة

وبسكينة نفصل الورق من عند الراس زي الصورة

ثم نضع الكرنب في الماء المغلي لمدة دقيقة ونطلعه 

بلاش نبالغ في التسوية 

وممكن نضيف لماء السلق اعواد بقدونس للتخلص نهائيا

من الغازات وانتفاخات الكرنب

تقطيع الكرنب

لسهولة التقطيع نضع الورقة ونطويها علي بعض

ونقطع عرق الكرنب من اوله للخر كما بالصورة

وكده فصلنا العرق عن الورق بسهولة

ونلف الورقة بالعرض ونبداْ نقطعها حسب الرغبة 

في الحجم

ثم نقسم الورقة الي قطع للحشو

حتي ننتهي من كل الكمية بسهولة

وتكون جاهزة للحشو

وممكن تسلقي الورققبلها بيوم وتغطيه في التلاجة وتحشيه تاني يوم

وعشان المحشي يكون طعمه احلي ومسكر نضيف في قاع الحلة شرايح ثوم وقطع فلفل رومي وممكن شرايح بصلة

وبعدها نغطي الثوم والفلفل بورق الكرنب

ونفرد الورقة ونضع فيها الرز حوالي نصف معلقة صغيرة

لو تحبيه صغير الحجم

ثم نطوي الورقة وعندنا طريقتين

الطريقة الاولي

اننا نلفه عادي بدون قفل الجوانب

وده مفتوح من الجوانب

او اننا نقفل الجوانب كده اولا

ثم نطويه ونلفه للاخر

وكده بيكون مقفول من الجوانب

وانتي علي راحتك الطريقتين صح

ولازم الشوربة ما تغطيش المحشي عشان 

يكون مفلفل اكتر زي الصورة مش بتغطيه الشوربة

وبعد ما نحشي الكمية نغطيه بطبق ونسقيه بالشوربة

ونتركه يغلي لمدة 10 دقايق يتشرب علي نار عالية 

ثم نخفض الحرارة علي اقل درجة واصغر عين ربع ساعة

ويكون جاهز ان شاء الله

ثم يقدم المحشي بالف هنا

منقول من مطبخ فريده 

Read full

بسكويت العيد

المكونات

1 كيلو دقيق - 300 جرام سكر بودرة - 1/2 كيلو ذبدة-1 م صغيرة فانيليا - 2 م صغيرة نشادر-3 بيضات -1 م كبيرة بيكنج بودر - 2 م ك لبن حليب(اختياري)- للنكهات(2 معلقة كبيرة جوزهند او 1 م كبيرة بشر برتقال )

الطريقة

نخفق الزبدة مع السكر لمدة 10 دقائق 

حتي تصبح كريمة هشه وبيضاء اللون كما بالصورة

ثم يضاف البيض 

واحدة واحدة مع الخفق بالمضرب او العجان مع اضافة الفانيليا

ثم نضيف الدقيق

 ونضع مع الدقيق النشادر والبيكنج بورد وننخلهم علي خليط الزبدة 

وهنا ممكن 

نغير النكهات علي حسب الرغبة بمعني 

لو ضيفنا معلقة كبيرة بشر برتقال ياخد نكهة برتقال 

او نضيف 2 م ك جوزهند او بدون اي نكهات علي حسب الرغبة

ونجمع العجينة باليد او بمعلقة كبيرة

وده بيكون شكل 

العجينة وطبعا ممكن نشكلها بكيس حلواني او ماكينة بسكوت قديمة او حديثة علي حسب الرغبة

وده شكل ماكينة البسكوت القديمة الاصلية

الله عليها

وبعد تشكيل البسكويت ورصه في صاج او صينية

طريقة التسوية

نسخن الفرن علي 180 درجة ويسوي البسكويت

من 7 ل10 دقايق او حتي يصبح ذهبي اللون و طبعا البسكويت لا يحتاج لتخمر نسويه فورا

وده بسكويت بالبرتقال

وده بسكويت بجوز الهند بالف هنا وكل عام وانتم طيبين

منقول من مطبخ فريده 

Read full

أحلى تحليه الترايفل

عملتي كيكة ومش عاجباكي او اتكسرت منك وانتي بتزينيها او عندك بواقي تورتة وكيك من عيد ميلاد بلاش ترميها واعملي منها احلي تحلية (ترايفل )

والترايفل ممكن يكون بعدة طرق ونكهات جميلة جدا

***طريقة الترايفل البسيطة****

لعمل الترايفل من بواقي الكيك نحتاج التالي

1- كيك قطع 

2- كسترد جاهز او بودينج 

3-كريم شانتيه او كريمة خفق

4- عصير او نسكافيه

4- فواكه فريش او كمبوت خوخ او اناناس 

5 شوكولاتة للتزين او مربي

الخطوات

1-نضع قطع الكيك في قاع الطبق او كؤوس التقديم المهم يكون عميق

2- نرش بمعلقة علي الكيك عصير بحث نرطبها فقط 1 او 2 م ك 

3- نضع طبقة من البودينج الجاهز او الكاسترد 

4-نضع طبقة من الكريم شانتيه 

5- نضع طبقة من الفواكه اي نوع نفضله

6- تكرر الطبقات 

7- بعد تغطيته باخر طبقة من الكريم يغطي ويترك من 2 ل 3 ساعات في الثلاجة 

8- عند التقديم يزين بشوكولاتة مبشورة او فواكه

 طريقة صوص الفراولة لتزيين الترايفل

(2 كوب فراولة +1/4 كوب سكر)

نخلط الفراولة في الخلاط ثم نضع عليها السكر وتقلب علي النار حتي تغلي ثم نهدئ النار جدا حتي يتكثف الصوص وممكن اضافة قطع من الفراولة في الصوص

ويستخدم في صنع الترايفل مع طبقات الكاسترد

وهنا نوعين مختلفين 

1- ترايفل الكراميل والمكسرات

نفس الطريقة لكن الاختلاف اننا بنخلط جزء من الكراميل علي كريمة الخفق ونخلط بمضرب

** طريقة الكراميل **

نضع 1/2 كوب من السكر مع 3 ملاعق ماء علي النار حتي يتحول لكراميل بني فاتح ثم نبعده عن النار ونضيف عليهم 3 م ك ماء ونقلب ونتركه يبرد تماما

ثم نخفق الكريم شانتيه ويضاف عليه الكراميل 

ويستخدم لتزيين الترايفل بالتبادل مع المكسرات والكيك 

2- ترايفل بالكاسترد وصوص الفراولة

نضع طبقة من الكيك ثم صوص الفراولة ثم الكاسترد ثم صوص الفراولة وتكرر الطبقات وتزين بالكريمة وبشر الشوكولاتة

ترايفل الفراولة

من بواقي الكيك وصوص الفراولة 

احلي ترايفل بالكريمة والفراولة 

 نضع طبقة من الكيك ثم قليل من صوص الفراولة ثم كريمة الخفق وقطع من الفراولة وتكرر الطبقات حتي يمتلئ الكاس او طبق التقديم ويزين الوجه سواء بصوص الفراولة او بالكريمة وقطع من الفراولة الطازجة

ترايفل الشوكولاتة

نضع طبقة من الكيك المقطعة ثم قليل من اي نوع عصير ثم قطع من الشوكولاتة او كمبوت خوخ او اناناس او فراولة طازجة ثم طبقة من كريمة الخفق

ويمكن وضع الكريم شانتيه ابيض او اضافة 1 م ك من الكاكاو وتكرر الطبقات

ويزين الوجه بالمكسرات او الكريمة والشوكولاتة المبشورة

منقول من مطبخ فريده

Read full

كرات اللحم بالصوص الابيض

المكونات

اولا مكونات الكفتة:

(1/4 كيلو لحم مفروم +1 بيضة +1 م ك بقسماط مطحون +بصلة صغيرة مبشورة +1 فص ثوم +1/2 م ص ملح +فلفل اسمر +1/4 م ص قرفة 

** الطريقة**

تخلط المكونات باليد وتترك في الفريزر مدة ربع ساعة تتماسك

ثم تشكل كرات لحم صغيرة

نضع في طاسة 1 م ك سمن ثم تحمر الكرات من جميع الجهات ثم نرفعها من الطاسة ونضعها في طبق

*مكونات و طريقة الصوص*

( 1 ونصف م ك دقيق +1 م سمن +بصلة مفرومة +2 فص ثوم +2 كوب ماء +ملح وفلفل ومكعب مرق +1/2 كوب ذبادي

نضع في نفس طاسة التحمير بصلة مبشورة وفص ثوم

ثم يضاف 1 ونصف م ك دقيق علي البصل والثوم مع وضع 1 م ك سمن

يقلب الدقيق مع المكونات

ثم يضاف مكعب مرق وكوب ونصف ماء ويقلب بسرعة حتي لايتكتل ويضاف ملح وفلفل وهنا ونصف كوب ذباديويترك ليغلي

واخيرا نضع كرات اللحم علي الصوص ونهدئ النار حتي تنضج

تسلق المكرونة في ماء وملح مدة 12 دقيقة ثم تصفي

تقدم الكفتة مع مكرونة وتزين بالبقدونس بالف هنا..

منقول من مطبخ فريده

Read full