الشيشبرك

للشيف هشام ماجد

مقادير العجينة:

2كوب طحين منخول .

ملعقة صغيرة ملح

ملقعة كبيرة زيت

نخلط الطحين والملح والزيت و بعدين نضيف الماء شوي شوي ونعجن هتبقى العجينة طرية وما بتلزق باليد

ونتركها شي نصف ساعة ترتاح او ساعة مع تغطيتها بمنشفة

مقادير الحشو :

نصف كيلو لحمة مفرومه

بصلة كبيرة مفرومة ناعم كتير كمان

ملح ،فلفل، بهار

نقلي البصلة لحد ما تدبل مش تنحرق او يتغير اللون

نضيف اللحمة والملح والبهار ونقليها جيداً

ونترك اللحمة لتبرد ونحاول نشفها من الزيت لانه ما بيخلي العجينة تقفل اذا كان كتير الزيت

نرق العجينة جيداً بالشوبك او بألة العجين

نقطع العجينة بكاسة مدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها احلى اكتر

بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونقفلها على بعض بشكل هلال

بعدين ناخد طرفين الهلال ونلزقهم ببعض قطعة قطعة إلى أن ينتهو

اذا بتحبوا تشيلوها فى الفريزا دخلوها متل ما هى ولما يجمد العجين حطوها بكيس نايلون حتى ما ياخد حجم

طبخ اللبن :

3 علب لبن العلبة 400غرام مش السائل ( الجامد )

1علبة من اللبن بس فيها ماء فقط

3 ملاعق نشأ كبار بس ممسوحين

ملعقة صغيرة ملح وبعدين ممكن نزيد الملح حسب الذوق

١ بيضة

نضربهم بالخلاط اونخلطهم جيداً ونضعهن على نار متوسطة مش عالية حتى ما يلزق اللبن و نحرك ونحرك ونحرك ليغلي اللبن

نسقط الشيشبرك بهدوء ونتركه على نار هادية حوالى عشر دقايق لانه العجينة رقيقة وصغيرة

ممكن اللبن مع الكزبرة والثوم في ناس بتحبه سادة او مع نعناع

نعمل الكزبره ونحط ملعقة كبيرة سمنة ونضع كزبرة مفرومة ناعم وفصين ثوم مدقوقين

نحمرهم جيدا ًونضعهم فوق اللبن قبل ما نطفي بدقيقتين.