الفراخ الروستو بالبابريكا

للشيف ايمن العطار

لكل عشاق الاسبايسى النهارده هنعمل تتبيله جديده للفراخ بسيطه وسهله

المكونات

1 فرخه سليمه حجم 1200 الى 2 كيلو زى مانتى عايزه
التتبيله وناخد بالنا منها كويس لانها مختلفه عن التتبيله الشرقى اللى عملناها فى الفراخ المشويه قبل كده
1 كوب صغير عصير طماطم
نصف كوب كاتشب
نصف كوب هوت صوص
1 معلقه كبيره بابريكا بودره
1 معلقه كبيره كمون بودره
نصف كوب خل
1 معلقه كبيره معجون صلصه
نصف كوب زيت ذره
1 معلقه صغيره شطه بودره
2 فص ثوم كبير
2 ورق لوره
ملح وفلفل اسود حسب الرغبه
2 فلفل حامى اخضر او احمر
نصف معلقه زعتر

الطريقه

هنجيب الفرخه ونفتحها من سلسله الظهر بالسكينه وبعد كده هنغسلها كويس اوى ونسيبها تصفى مايته وبعدين نجيب الخلاط ونضرب فيه كل مكونات التتبيله اللى قلنا عليها دى لحد ماتنعم معاكى كويس جدا هنتبل بيها الفراخ كويس ونسيبها فى التتبيله لاكتر من ساعتين ولو هتبات فى التتبيله يبقى كويس جدا وبعد كده فى صينيه اوى فى كيس حرارى وندخلها الفرن على درجه حراره 170 لمده 40 دقيقه وفى نصف التسويه نقلبها عشان تاخد اللون الجميل ده نقدر نقدم جنبها ارز ابيض او مكرونه وبالهنا والشفا الشيف ايمن العطار