الفول المدمس بكل خطواته بالتفصيل
هننقع الفول حوالي 5 ساعات في مايه دافيه وممكن تغليه غلوه وتتطفي عليه ده بيخليه يستوي بسرعه وما يبقاش ناشف
بعد النقع
هحط عليه جزره وطماطم وفلفل اضر وفصين ثوم مفروم وليمونتين متقطعين قطع صغيره
هزود مايه مغليه بحيث تغطيه وتبقي فوق الفول ب5 سم ع الاقل
هضيف معلقتين زيت زيتون او اي زيت متوفر عندك وده بيخلي القشر يطري وما يبقاش هايش ف الفول
وكمان بضيف شويه كمون وشطه
بيهلي الفول نفسه متبل
هغسل مقدار من العدس وممكن عدس وفول مدشوش كمان ذي ما تحبي وحسب المتوفر عندك
بحط تقريبا نفس كميه الفول عدس
هضيف العدس للفول من غير ما اقلب عشان ما ينزلش تحت ويلزق ف الحله
هغطي الحله
انا بسويه ف حلة ضغط بياخد حوالي نص ساعه
ممكن طبعا تسويه في دماسه وتحطي عليها حله فيها مايه سخنه عشان تزودي الفول منها
اوعي اوعي اوعي تحطي مايه بارده ع الفول لونه هيغمق ويحجر
ده الفول بعد ما استوي لونه اصفر كهرماااااااااااااااااااان وطعمه تحفه
دايما لما تيجي تعملي الفول
حطيه في طبق كبير يسهل عليكي تقيبه وتتنبيله
بتبله بملح وكمون وشطه حمرا مفرومه وطحينه وليمون وزيت زيتون
وبيبقي فظيييييييييييييييييييع
هااااااااااااااااااااه ايه رأيكم
وهنا عملته كميه وفرزنته في اكياس كل كيس طبق اطلعه م الفريزر يفك واستخدمه علي طوول وطبعا محتفظ بطعمه و ريحته
منقول
